ممبئی (مہاراشٹر): بالی ووڈ اسٹار اکشے کمار حال ہی میں دی کپل شرما شو میں اپنی آئندہ فلم پرتھوی راج کا پروموشن کرنے کے لیے پہنچے۔ کپل شرما کے اس آئندہ ایپی سوڈ کے کلپ میں کپل کو اکشے سے بات کرتے ہوئے دیکھا جاسکتا ہے۔ اس ویڈیو میں کپل کہتے ہیں کہ جب وہ اسکول میں تھے تب اسکرین پر اکشے کو مادھوری دکشت اور عائشہ جھلکا کے ساتھ رومانس کرتے ہوئے دیکھتے تھے اور جب وہ کالج میں آئے تب اکشے کترینہ کیف اور بپاشا باسو کے ساتھ اسکرین شیئر کرتے ہوئے نظر آئے۔ Kapil Sharma Trolls Akshay Kumar
اس کے بعد کپل اکشے کمار کی طرف اشارہ کرتے ہوئے کہتے ہیں کہ ' اب وہ اسکرین پر کریتی سینن، سارہ علی خان، کیارا اڈوانی اور مانوشی چھلر کے ساتھ نظر آتے ہیں تو ہم کیا صرف ان کی ہیروئنوں کا انٹرویو کرنے کے لیے پیدا ہوئے ہیں'۔ Akshay Kumar Romancing Younger Actresses
واضح رہے کہ اترنگی رے میں اکشے کمار، سارہ علی خان کے ساتھ رومانس کرتے ہوئے نظر آئے تھے، جو ان سے 28 سال چھوٹی ہیں۔ اترنگی رے کی ریلیز سے پہلے سارہ اور اکشے کی جوڑی کی خبریں سوشل میڈیا پلیٹ فارمز پر بحث کا موضوع بنی ہوئی تھی۔دریں اثنا ان کی آنے والی فلم پرتھویراج میں 54 سالہ اداکار 25 سالہ مانوشی چھلر کے مقابل جوڑی بناتے ہوئے نظر آئیں گے۔
مزید پڑھیں: پرینکا چوپڑا اپنی دوست کی سالگرہ تقریب میں مستی بھرے انداز میں نظر آئیں، دیکھیں تصاویر
چندر پرکاش دویدی کی ہدایتکاری میں بننے والی فلم پرتھوی راج کی کہانی ' بادشاہ پرتھوی راج چوہان کی بہادری کو بیان کرتی ہے۔ اکشے کمار نے فلم میں مرکزی کردار ادا کیا ہے جبکہ مانوشی نے سانیوگیتا کا کردار ادا کیا ہے۔
