شاہ رخ خان اور جان ابراہم فلم پٹھان کے پروموشنل ویڈیو میں ایک دوسرے کی تعریف کرتے نظر آرہے ہیں۔ جہاں گزشتہ روز شاہ رخ خان نے جان ابراہم کی تعریف میں پل باندھ دیے تھے وہیں اب جان ابراہم نے شاہ رخ خان کے بارے میں کہا کہ 'اس فلم میں لاجواب کام کیا ہے'۔ فلم کی کاسٹ نئے تنازعے سے بچنے کے لیے پٹھان کی تشہیر کے لیے مختلف طریقہ اپنایا ہے۔ میڈیا کے سامنے کوئی بات چیت نہ کرتے ہوئے کاسٹ نے یش راج فلمز کے سوشل میڈیا پر فلم پٹھان میں کام کرنے کے بارے میں اپنے تجربات شیئر کی ہے۔ جہاں اب تک شاہ رخ خان اور جان ابراہم نے فلم کے بارے میں اپنے خیالات اظہار کیے ہیں وہیں دیپیکا پڈوکون کا ابھی انتظار ہے۔John Abraham on SRK
یش راج فلمز کے یوٹیوب چینل پر جان ابراہم کے ساتھ بات چیت کا ایک ویڈیو شیئر کیا گیا، جس میں جان ابراہم نے پٹھان میں جم کا کردار ادا کرنے اور شاہ رخ خان اور دیپیکا پڈوکون کے ساتھ کام کرنے پر بات کی۔ شاہ رخ خان کی فلم زیرو کے چار سال بعد پٹھان سے اسکرین پر دوبارہ واپسی پر تبصرہ کرتے ہوئے جان ابراہم نے کہا کہ ' صرف بھارت ہی نہیں بلکہ پوری دنیا شاہ رخ خان کو بڑے پردے پر دیکھنا چاہتی ہے میں بھی انہیں دیکھنا چاہتا ہوں۔ انہوں نے زبردست کام کیا ہے وہ اس فلم میں لاجواب ہیں'۔
- " class="align-text-top noRightClick twitterSection" data="">
وہیں جان ابراہم نے اپنے کردار جم کے بارے میں بات کرتے ہوئے کہا کہ ' جم مزے دار ہے، جم خطرناک ہے اور جم میں دھوم میں نظر آنے والے پرانے جان ابراہم کو دیکھا جاسکتا ہے۔ جب جان سے پوچھا گیا کہ پٹھان میں جم سے کیا امیدیں کی جاسکتی ہیں تب جان نے کہا کہ 'جم اسکرین پر آتش بازیاں لے کر آئے گا، جم کا کردار غیرمعمولی ہے، جب بڑے پردے پر دو لوگ ایکشن کرتے نظر آئیں گے تو یہ آپ کو سیٹ سے اٹھنے کا موقع نہیں دے گا'۔
جان ابراہم نے ایک طویل عرصے بعد دیپیکا پڈوکون کے ساتھ کام کرنے اور اداکارہ کی کامیابی کے بارے میں کہا کہ 'میں دیپیکا کو ذاتی طور پر جانتا ہوں اور مجھے لگتا ہے کہ وہ ایک بے حد پیاری انسان ہیں۔ وہ خوبصورت ہیں۔ مجھے ان کی فیملی پسند ہیں۔ ان کے والد، ان کی والدہ اور بہن وہ سب بے حد پیارے انسان ہیں۔ مجھے ہمیشہ انہیں کامیاب دیکھ کر خوشی ہوتی ہے۔ یہ چیز مجھے بہت خوش کرتی ہے کیونکہ وہ مجھے بے حد پسند ہیں۔ جو لوگ دیپیکا کو نہیں جانتے ہیں میں بتادوں کہ وہ سب سے اچھی انسان میں سے ایک ہیں اور یہی چیز مجھے ان کی طرف متوجہ کرتی ہے۔ میں ہمیشہ ان کے لیے اچھے کی دعا کرتا ہوں'۔
واضح رہے کہ گزشتہ روز شاہ رخ خان نے جان ابراہم کے بارے میں بات کرتے ہوئے کہا تھا کہ 'وہ جان کو تب سے جانتے ہیں جب سے وہ ممبئی آئے ہیں اور وہ دوست ہیں۔ شاہ رخ نے جان کو ' شرمیلا، خاموش اور تہنائی پسند انسان بتایا اور یہ بھی کہا کہ ان کی خواہش ہے کہ پٹھان کے آنے کے بعد فلم میں جان کے کردار کو زیادہ پسند کیا جائے
۔پہلی بار جان کے ساتھ کام کرنے اور جان کے ذریعہ منفی کردار ادا کرنے پر شاہ رخ خان نے کہا کہ ' میں ان سے کئی بار اس وقت ملا جب وہ کوئی فلم کر رہے تھے یا ہم ایک ساتھ فلم کرنا چاہتے تھے پھر ہمیں یہ فلم کرنے کا موقع ملا۔ میں بہت چاہتا تھا کہ جان یہ فلم کریں اور یہ ان کی رحم دلی ہے کہ وہ یہ کرنے کے لیے راضی ہوگئے جہاں وہ منفی کردار ادا کریں گے ۔ وہ ایک ٹاپ اسٹار ہیں۔ ان کی اپنی فرنچائز ہیں اور وہ خود زبردست ایکشن فلمیں کر رہے ہیں اور پھر ایسی فلم میں کام کرنے کا فیصلہ کرنا جہاں ان کا کردار منفی ہوگا اس کے لیے بہت زیادہ ہمت کی ضرورت ہوتی ہے۔ شاہ رخ خان نے یہ بھی بتایا کہ جہاں زیادہ تر اداکار فلموں میں منفی کردار ادا کرنے سے انکار کرتے ہیں وہیں جان مختلف ہیں۔'اس کے لیے خود پر بہت زیادہ اعتماد رکھنے کی ضرورت ہے خاص طور پر جب میں ہندی فلموں کے تناظر سے دیکھتا ہوں تو ہیرو منفی کردار ادا نہیں کرتے ۔ حالانکہ میں ایک برے آدمی کا کردار ادا کرنا پسند کروں گا۔ میرے دل میں ان کرداروں کے لیے گہری عزت ہے'۔
شاہ رخ خان نے جان کے ساتھ پہلی بار کام کرنے کے تجربہ کے بارے میں بتایا کہ ' ان کے ساتھ کام کرنا اچھا لگا اور مجھے محسوس ہوا کہ وہ بہت شریف ہیں۔ جب ہم ایکشن مناظر شوٹ کر رہے تھے۔ وہ مجھے قومی خزانہ بلاتے تھے۔ شوٹنگ کے وقت جان نے مجھ سے کہا کہ ' میں آپ کو تکیف نہیں دے سکتا'۔ میں نے کہا کہ تم کرسکتے ہو کوئی بات نہیں۔ وہ بہت شرمیلے ہیں اور مجھے انہیں منانے میں بہت وقت لگا کہ کوئی بات نہیں تم مجھے مُکا مار سکتے ہو اور مجھے تکلیف نہیں ہوگی۔ میرے خیال میں وہ ایکشن میں بہت ماہر ہیں۔ انہوں نے مجھے اسکرین پر اچھا دکھانے کےلیے بہت مدد کی۔ یہ ان کی رحم دلی تھی۔ مجھے لگتا ہے کہ جب آپ جان جیسے ساتھی اداکار کے ساتھ کام کرتے ہو تب آپ کو ان سے بہت کچھ سیکھنے کو ملتا ہے۔ خود اسٹار ہوتے ہوئے بھی ان کے دل میں جو میرے لیے عزت ہے۔ میں امید کرتا ہوں جب پٹھان ریلیز ہو تب سب سے زیادہ پسند کیے جانے والے کرداروں میں سے ایک کردار جان کا ہے۔ میں واقعی میں خواہش کرتا ہوں کہ ان کے کردار کو پسند کیا جائے کیونکہ ایک اداکار اور ایک اسٹار کے طور انہوں نے جو کچھ کیا ہے اس کے لیے بہت زیادہ ہمت کی ضرورت ہوتی ہے'۔
ہدایتکار سدھارتھ آنند کی آنے والی تھرلر فلم میں شاہ رخ خان ایک جاسوسی ایجنٹ کا کردار ادا کرہے ہیں۔ فلم میں منفی کردار جان ابراہم نے ادا کیا ہے۔ پٹھان 25 جنوری کو ریلیز ہوگی۔
