حیدرآباد: بالی ووڈ اداکار شاہد کپور اور کریتی سینن پہلی بار رومانوی ڈرامے میں ایک ساتھ جلوہ گر ہوں گے۔ اگرچہ شاہد اور کریتی کی ایک ساتھ ہونے والی اس پہلی فلم کے بارے میں زیادہ کچھ معلوم نہیں چل سکا ہے، لیکن میکرز نے ہفتے کے روز اس فلم کی شوٹنگ کے مکمل ہونے کا اعلان کیا اور ساتھ ہی یہ بھی بتایا کہ فلم کس مہینے ریلیز ہوگی۔Shahid and Kriti Film Wrap
آئندہ رومانوی ڈرامہ فلم ، جس میں شاہد اور کریتی مرکزی کردار میں ہوں گے، کی ہدایتکاری امیت جوشی اور آرادھنا ساہ نے کی ہے، ساتھ ہی اس کی کہانی بھی انہوں نے ہی لکھی ہے۔ دنیش وجن کی میڈڈاک فلمز، جیوتی دیشپانڈے اور لکشمن اٹیکر کے ذریعے مشترکہ طور پر پروڈیوس کردہ یہ فلم رواں سال اکتوبر میں ریلیز ہونے والی ہے۔
- " class="align-text-top noRightClick twitterSection" data="
">
فلم کے مکمل ہونے کا اعلان کرتے ہوئے میڈاک فلمز نے فلم کی پہلی جھلک جاری کی جس میں کریتی اور شاہد ساحل سمندر پر ایک رومانوی لمحہ گزارتے ہوئے نظر آرہے ہیں۔ اس تصویر میں یہ جوڑی موٹرسائیکل پر بیٹھے سمندر کے سامنے شاندار پوز دیتے ہوئے نظر آرہے ہیں۔ اس تصویر کے ساتھ میکرز نے کیپشن میں لکھا ہے کہ 'جیو اسٹوڈیوز اور دنیش وجن پہلی بار ایک ساتھ نظر آنے والی جوڑی کریتی سینن اور شاہد کپور کی فلم کے مکمل کا اعلان کیا'۔
اس دوران شاہد کپور علی عباس ظفر کی ہدایتکاری میں بننے والی ایکشن فلم 'بلڈی ڈیڈی' میں بھی نظر آئیں گے۔ یہ فلم سال 2011 میں ریلیز ہونے والی فرانسیسی فلم (Nuit Blanche) کا ہندی ریمیک ہے۔
وہیں دوسری طرف کریتی پربھاس کے ساتھ ایک افسانوی ڈرامہ آدی پروش میں نظر آنے والی ہیں۔ اس کے علاوہ وہ ٹائیگر شراف کے ساتھ فلم گنپتھ میں بھی نظر آئیں گی۔ کریتی کی آئندہ فلموں کی فہرست میں دی کریو سمیت کئی دلچسپ پروجیکٹ شامل ہیں۔ دی کریو میں کرینہ کپور اور تبو بھی اہم کردار میں ہیں، یہ فلم کی شوٹنگ گزشتہ ماہ شروع ہوئی۔راجیش کرشنن کی ہدایت کاری میں بننے والی دی کریو کو ریا کپور اور ایکتا کپور نے مشترکہ طور پر پروڈیوس کیا ہے۔
مزید پڑھیں:کریتی سینن اور سارہ علی خان کا منفرد اسٹائل، دیکھیں تصاویر
