دیپیکا پڈوکون جمعہ کو بھارت واپس آگئی ہیں اور انہیں ممبئی ایئرپورٹ پر تصویریں کلک کراتے دیکھا گیا۔ لاس اینجلس میں منعقدہ آسکر تقریب میں شرکت کے بعد وہ ممبئی پہنچیں جہاں اداکارہ کو سیاہ رنگ کے لباس میں دیکھا گیا۔ اداکارہ کی اس ائیرپورٹ لک کی تصاویر اور ویڈیوز سوشل میڈیا پر وائرل ہورہی ہے۔ 12 مارچ (بھارت میں 13 مارچ) کو 95 ویں اکیڈمی ایوارڈز کے بعد اداکارہ پہلی بار عوام کے درمیان نظر آئیں۔DP Back in India
- " class="align-text-top noRightClick twitterSection" data="
">
دیپیکا کی ائیرپورٹ لک کی بات کریں تو اداکارہ نے کالے رنگ کے لیدر پینٹ کے ساتھ کالے رنگ کی ٹاپ اور پوٹس پہنے تھے اور ساتھ میں چشمہ بھی لگایا تھا۔ اداکارہ نے اپنے لک کے مطابق کالے رنگ کا بیگ بھی لیا ہوا تھا۔ دیپیکا نے ائیرپورٹ سے باہر نکلتے ہوئے پاپرازی کے لیے تصویریں بھی کھینچائی اور پھر وہ اپنے کار میں بیٹھ گئی ہیں۔ انسٹاگرام پر مشہور پاپرازی اکاؤنٹ وائرل بھیانی کی جانب سے شیئر کی گئی دیپیکا کی ایک ویڈیو پر تبصرہ کرتے ہوئے ایک مداح نے لکھا کہ ' کوئین واپس آگئی ہیں'۔ ایک اور نے تبصرہ کرتے ہوئے لکھا کہ 'دیپیکا کو خوش آمدید'۔
واضح رہے کہ دیپیکا پڈوکون آسکر ایوارڈ میں شرکت کرنے والوں میں سے ایک تھیں، جہاں انہوں نے آر آر آر کا گانا 'ناٹو ناٹو' پیش کیا تھا۔ اداکارہ کو آسکر تقریب میں مشہور ڈیزائنر برانڈ لوئی ویٹون کے ڈیزائن کردہ سیاہ گاؤن میں زیب تن دیکھا گیا۔ دیپیکا پڈوکون کی اگلی فلم فائٹر ہونے والی ہے جس میں وہ ریتک روشن کے ساتھ پہلی بار کرتی نظر آئیں گی۔ سدھارتھ آنند کی ہدایتکاری میں بننے والی ایکشن ڈرامہ فلم میں انیل کپور بھی اہم کردار میں ہوں گی۔ دیپیکا کی آخری فلم پٹھان تھی جس میں وہ شاہ رخ خان اور جان ابراہم کے ساتھ جلوہ گر ہوئی تھیں۔ فلم 25 جنوری کو ریلیز ہونے کے بعد سے باکس آفس کے کئی ریکارڈ توڑ چکی ہے۔
