نوے کے عشرے میں دونوں کے درمیان سیاسی اتحاد ہوا تاہم اختلافات اس قدر بڑھ گئے کہ دونوں ایک دوسرے کے سیاسی رقیب بن گئے۔ بالآخر اکھلیش یادو کی کوششیں رنگ لائیں اور اب پھر دونوں رہنما ایک ساتھ ہیں۔
مین پوری حلقے سے ملائم سنگھ سماجوادی پارٹی کے امیدوار ہیں اور مایاوتی ان کے لیے ووٹ مانگنے آئی تھیں۔ اس موقع پر انھوں نے سختگیر ہندو تنظیم آر ایس ایس اور وزیراعظم مودی پر سخت تنقید کی۔
برسوں بعد مایاوتی اور ملائم ایک سٹیج پر
لوک سبھا انتخابات کے لیے ایس پی اور بی ایس پی نے اتحاد کیا ہے اور انتخابی مہم مشترکہ طور پر چلائی جا رہی ہے۔ لیکن اس اتحاد میں کانگریس شامل نہیں ہے اور سوال یہ ہے کہ بغیر کانگریس کے یہ اتحاد کتنا موثر رہے گا؟
