بی جے پی اقلیتی سیل کے قومی صدر عبدالرشید انصاری نے کہا کہ وزیراعظم نریندر مودی نے ان تمام واقعات کی مذمت کی ہے جس میں اقلیتی طبقات کو نقصان پہنچایا گیا ہے۔
مسٹر انصاری نے بی جے پی کے دور اقتدار میں دیگر طبقات کے ساتھ مسلم طبقے کی ترقی کا حوالہ دیتے ہوئے کہا کہ ہر موقع پر بی جے پی نے مسلم طبقے کی تعلیمی و اقتصادی ترقی پر توجہ دی ہے۔
انھوں نے ہجومی تشدد کے واقعات کو افسوسناک قرار دیتے ہوئے کہا کہ وزیراعظم اور پارٹی نے ان واقعات کی شدید مذمت کی ہے اور اس واقعہ میں ملوث افراد کو ڈانٹ پلائی ہے۔
کشمیر میں امن کے متعلق بات کرتے ہوئے عبد الرشید انصاری نے بتایا کہ بھارتیہ جنتا پارٹی نے ممکنہ طور پر کشمیر میں امن کے قیام کے لیے اقدامات کیے ہیں۔
انہوں نے محبوبہ مفتی کی پارٹی سے شراکت کرتے ہوئے حکومت قائم کی تھی تاہم ناگزیر وجوہات کی بنا پر بی جے پی کو اپنی حمایت واپس لینے پڑی لیکن بی جے پی ہمیشہ کشمیر میں امن و سلامتی کے قیام کے لیے کوشش جاری رکھے گی۔
