احمدآباد شہر میں ہٹ اینڈ رن کا معاملہ سامنے آیا ہے۔ شیورانجنی کے قریب فرش پر سو رہے چار افراد کو کار نے کچل دیا۔ اس حادثہ میں ایک خاتون ہلاک اور تین بچے زخمی ہوگئے۔ ہٹ اینڈ رن کیس کا واقعہ احمد آباد کے شیو رانجنی کے بیما نگر کے قریب پیش آیا۔
احمدآباد: فرش پر سو رہے لوگوں کے اوپر تیز رفتار کار دوڑ گئی
پورے واقعے کے بعد ٹریفک پولیس نے کار ڈرائیور کے خلاف مقدمہ درج کرکے تفتیش شروع کردی۔ ہٹ اینڈ رن کی مکمل سی سی ٹی وی فوٹیج بھی منظر عام پر آگئی ہے۔ حادثے کے بعد کار کا ڈرائیور موقع سے فرار ہوگیا تھا۔ کار کا مالک شیلیش شاہ بھی اپنے پورے کنبہ کے ہمراہ مفرور ہے۔
