اس موقع پر اساتذہ نے طلبا کو فراغت کے بعد ملک وقوم کی بقا کے لیے خدمات انجام دینے کا درس دیا۔ ادارے کے پرنسیپل و معروف عالم دین مفتی انور قاسمی نے کہا کہ 'ختم بخاری شریف کے موقع پر ہر برس شاندار پروگرام کا انعقاد کیا جاتا رہا ہے۔ لیکن حکومت کی حالیہ گائیڈ لائن پر عمل کرتے ہوئے بیشتر طلبا کو پروگرام میں شامل نہیں کیا گیا ہے۔
ختم بخاری شریف پروگرام کے مقاصد پر مفتی انور قاسمی نے کہا کہ تقریب کے ذریعہ یہ رغبت پیدا کرنے کی کوشش کی جاتی ہے کہ قرب و جوار کے باشندے اپنے بچوں کو مدارس میں داخلہ دلائیں۔
مفتی انور قاسمی نے کہا کہ' مدرسہ میں بخاری شریف کا درس تقریبا سو سال سے دیا جا رہا ہے۔ اس موقع پر دیگر اساتذہ نے بھی بخاری شریف کی فضیلت اور فوائد بیان کیے۔ مولانا محمد سلمان قاسمی نے کہا کہ 'بخاری شریف مستند احادیث کا ایسا مجموعہ ہے، جس کی روشنی میں مسلمانوں کے سماجی اور دینی مسائل حل کرنے میں بہت آسانی ہوتی ہے۔
