کرونا وائرس کی وبا کا خوف اس قدر ہے کہ اگر کوئی باہر سے بھی گھر آتا ہے تو سینیٹائز کی ہدایت دی جاتی ہے۔
راجستھان سے اپنے گاؤں مدھیہ پردیش میں اجین کے موہن پورا علاقہ پہنچے مزدوروں کو گاؤں والوں نے علاقے میں داخل ہونے نہیں دیا اور کہا کہ پہلے ہسپتال میں کورونا ٹیسٹ کرائو۔
اس کے بعد یہ سبھی مزدور پیدل ہی میڈیکل کالج جانچ کے لیے پہنچے، معائینہ کروانے میں وقت لگا تو تینوں مزدور راستے میں ہی بھرو گڑ ساڑو ماتا مندر کے پاس سڑک کنارے سو گئے۔
رات کے آخری پہر تیز رفتار ٹرک نے سڑک کنارے سوئے تینوں مزدوروں کو کچل دیا جن کی موقعے پر ہی موت واقع ہو گئی۔
حادثے میں مرنے والے مزدوروں میں موہن پورہ کے 65 سالہ وکرم سنگھ ان کی اہلیہ 55 سالہ بھولی بھائی اور بدری بنجارا شامل ہیں۔
پولیس نے اس ضمن میں معاملہ درج کرکے مزید کارروائی شروع کر دی ہے۔
