ادھم پور کے سپاہی سنجے کمار Sanjay Kumar کی گزشتہ روز سرینگر کے پریم پورہ کے پھل منڈی میں سڑک حادثے میں موت واقع ہوگئی تھی۔ آج اُدھم پور کے دیویکا گھاٹ پر مکمل فوجی اعزاز کے ساتھ ان کی آخری رسومات ادا کی گئی۔Udhampur Soldier Cremated
آنجہانی سپاہی سنجے کمار بھٹ سرینگر کے پھل منڈی کے قریب اپنے فرائض انجام دے رہے تھے، کہ اسی وقت پریم پورہ کے ایک سول ٹرک نے انھیں پیچھے سے ٹکر مار دی۔
جس کے بعد انھیں فوری طور پر نورا ہسپتال زینکوٹ لے جایا گیا لیکن شدید زخمی ہونے کی وجہ سے انھیں 92 بیس ہسپتال منتقل کر دیا گیا۔ جہاں وہ زخموں کی تاب نہ لاسکے اور ان کی موت اقع ہوگئی۔
مہلوک سپاہی کے رشتہ داروں نے بتایا کہ 6 روز قبل ہی اس کی چھٹی ختم ہوئی تھی اور وہ واپس کشمیر چلے گئے تھے، اب ان کی ریٹائرمنٹ بھی ہونے والی تھی۔ جس کے لیے انھوں نے اپنے کاغذات بھی مکمل کر لیے تھے، لیکن آج وہ ریٹائر نہیں ہوئے ہیں بلکہ ترنگے میں لپٹے گھر آئے ہیں۔
