ضلع ادھم پور کے سلاتھیا چوک میں پینتھرس پارٹی کے سیکڑوں کارکنان جمع ہوئے اور مستحقین کو پنشن نہ ملنے پر مظاہرہ کیا اور انتظامیہ کے خلاف نعرے بازی کی۔
پنشن نہ ملنے پر مستحقین کا مظاہرہ
پینتھرس پارٹی کے رہنما بلونت سنگھ منکوٹیا نے صحافیوں سے بات چیت کرتے ہوئے کہا کہ تقریبا چار برسوں سے محکمۂ سماجی فلاح و بہبود کی جانب سے بیواؤں اور بزرگوں کو پنشن نہیں دی جا رہی ہے۔
اس موقع پر بلونت سنگھ منکوٹیا نے محکمۂ سماجی فلاح و بہبود کو متنبہ کرتے ہوئے کہا کہ وہ جلد از جلد مستحقین کو پنشن دینا شروع کرے، نہیں تو مظاہرہ پرتشدد ہوسکتا ہے جس کی ذمہ داری انتظامیہ پر ہوگی۔
انہوں نے کہا کہ ہائی کورٹ کے مطابق ضرورت مندوں، بیواؤں، معذور اور برزگوں کو پنشن ملنا ضروری ہے، لیکن حکومت صرف چھوٹے دعوے کرتی ہے اور کام نہیں ہوتا ہے۔
