اسکول بند نہیں کیے گئے ہیں: ڈویژنل کمشنر

کشمیر کے ڈویژنل کمشنر بصیر احمد خان نے ان افواہوں کی تردید کی ہے کہ وادی میں موجودہ صورتحال کے پیش نظر تعلیمی اداروں کو بند کردیا گیا ہے۔

ریاستی محکمہ اطلاعات نے مسٹر خان کا ایک ویڈیو جاری کیا جس میں وہ کہہ رہے ہیں کہ اسکولوں کو بند کرنے کا کوئی حکم جاری نہیں کیا گیا ہے۔

کشمیر میں محکمہ داخلہ نے تمام غیر ریاستی سیاحوں اور امرناتھ یاتریوں کو صلاح دی ہے کہ وہ فوری طور وادی سے نکل جائیں۔ اس حکمنامے سے کشمیر میں سراسیمگی پھیل گئی ہے۔ وادی میں سکیورٹی فورسز کا گشت بڑھا دیا گیا ہے۔