کمیونٹی ہالز فوجی بنکر میں تبدیل، سیاسی رہنماؤں میں ناراضگی

نیشنل کانفرنس کے یوتھ لیڈر سلمان علی ساگر نے پارٹی ہیڈ کوارٹر سرینگر میں پریس کانفرنس کرتے ہوئے کہا کہ حال ہی میں سرینگر میں زیادہ تر کمیٹی ہالز، میرج ہالز پر سرکاری فورسز کا قبضہ ہے۔ جس سے عوام کافی پریشان نظر آرہے ہیں۔

مرکز کے زیر انتظام جموں و کشمیر کے گرمائی دارالحکومت سرینگر کے کمیونٹی ہالز میں سکیورٹی فورسز کو تعینات کرنے کے فیصلے نے مقامی لوگوں اور سیاسی رہنماؤں کو ناراض کیا ہے۔ لوگوں کا کہنا ہے کہ سکیورٹی اہلکاروں کو متبادل رہائش فراہم کی جائے۔

وہیں کمیٹی ہالوں میں تعینات کے گئے سکیورٹی فورسز کو خالی کرانے کا مطالبہ بھی کیا گیا۔

اس سلسلے میں نیشنل کانفرنس کے یوتھ صدر سلمان علی ساگر نے گورنر انتظامیہ سے اپیل کی ہے شہری خاص میں جگہ کم ہونے کے نتیجے میں کمیٹی ہالز بنائے گئے ہیں، جب کہ ان ہالز کو شادی بیاہ کے لیے زیادہ مخصوص رکھا گیا ہے۔ ان کی تعیناتی سے کافی مشکل درپیش ہے۔