LG on SSB PSC Cancelled Posts: 'منسوخ کی گئی آسامیاں ایک سال میں پُر کی جائے گئی'

جموں و کشمیر ایل جی منوج سنہا نے کہا کہ حالیہ دنوں انتظامی کونسل کی طرف سے منسوخ کی گئی تقربیاً 1500 کے آسامیاں کو مختلف وجوہات کے سبب منسوخ LG on SSB PSC Cancelled Postsکی گئی۔ انہوں نے کہا ان آسامیوں کو ایک سال کے اندر فاسٹ ٹریک بنیادوں پر پرُ کیا جائے گا۔

سرینگر :سرینگر میں ایک تقریب کے حاشیے پر منوج سنہا نے کہا کہ جموں و کشمیر میں نئے قوانین کا نفاذ، نئے ڈومیسائل، ریزرویشن اور بھرتی قوانین کی وجہ سے ان اسامیوں کو خارج کرنا پڑا،تاہم اب نئے قوانین کے تحت ان کی بھرتی عمل میں لائی جائے گی۔

واضح رہے کہ انتظامی کونسل نے ایک فیصلے کے تحت 31 اکتوبر 2019 سے قبل پبلک سروس کمیشن اور سروس سلیکشن بوڑ کی جانب سے مشتہر کی گئی اسامیاں کو خارج کیا تھا۔ منوج سنہا نے کہا کہ 31 اکتوبر 2019 سے قبل سروس سلیکشن بوڈ اور پبلک سروس کمیشن میں صرف وہی اسامیاں منسوخ کی گئی جن میں آج تک امیدواروں کی فہرست منتخب نہیں ہو پائی تھی یا کسی بھی وجہ سے ان کے نتائج آج تک ظاہر نہیں کیے گئے تھے۔ قابل ذکر ہے کہ مختلف محکموں کی طرف سے ایس ایس بی اور پی ایس سی کو بھیجی گئی متعدد اسامیاں طویل عرصے سے رکی ہوئی پڑی تھی۔

انتظامی کونسل کے مطابق ان میں سے کچھ پوسٹوں کی تشہیر نہیں کی جا سکتی تھی،کیونکہ وہ بھرتی کے قوانین کے خلاف تھیں۔
انتظامی کونسل کے اس فیصلے کی سیاسی و عوامی حلقوں نے مخالفت کی جبکہ بی جے پی کے صدر رویندر رانا نے ایل جی سے مطالبہ کیا تھا کہ وہ اس فیصلے پر نظر ثانی کرے۔