جموں و کشمیر میں ڈسٹرکٹ ڈیولپمنٹ کونسل کے انتخابات کے لئے پہلے مرحلہ کی ووٹنگ صبح سات بجے سے شروع ہو گئی ہے۔
اس دوران سخت سکیورٹی انتطام کے تحت عوام پولنگ مراکز پر جا کر اپنے حق رائے دہی کا استعمال کر رہی ہے، ابھی تک کل ووٹنگ کی شرح پانچ اعشاریہ 25 فیصد درج کی گئی ہے۔
ڈی ڈی سی کے رواں انتخاب کے پہلے مرحلہ میں کل 43 انتخابی حلقے ہیں جن 25 کشمیر میں ہیں جبکہ 18 حلقے جموں میں ہیں، پہلے مرحلہ میں 1475 امیدوار اپنی قسمت آزماں رہے ہیں۔
جموں و کشمیر میں پہلی بار منعقد ہونے والے ڈسٹرکٹ ڈیولپمنٹ کونسل کے انتخابات نیز پنچایتی اور بلدیاتی اداروں کے ضمنی انتخابات کے پہلے مرحلے کی ووٹنگ جاری ہے۔
اس دوران سکیورٹی خدشات کے پیش نظر ضلع پلوامہ اور شوپیاں میں انٹرنیٹ خدمات کو معطل کردیا گیا ہے۔
جموں میں پر امن طریقے سے ووٹنگ جاری ہے۔ رائے دہندگان کے مطابق وہ جموں و کشمیر میں ترقیاتی کام چاہتے ہیں۔
ذرائع نے بتایا کہ مہاجر کشمیری پنڈتوں کے لئے جموں اور اودھم پور میں خصوصی پولنگ بوتھ قائم کئے گئے ہیں تاکہ انہیں ووٹ ڈالنے میں کسی دقت کا سامنا نہ کرنا پڑے۔
