اس ملاقات کے بعد نیشنل کانفرنس کے سینیئر رہنما دیویندر رانا نے کہا کہ جب تک فاروق عبد اللہ کے اوپر سے پبلک سیفٹی ایکٹ (پی ایس اے) ہٹایا نہیں جاتا اس وقت تک نیشنل کانفرنس جموں و کشمیر میں بی ڈی سی انتخابات میں حصہ نہیں لے گی۔
دیویندر رانا کے بیان پر بی جے پی کے رہنما کویندر گپتا نے ان کو نشانہ بناتے ہوئے کہا کہ نیشنل کانفرنس یا کانگریس نے کبھی بھی پنچایت یا میونسپل انتخابات میں حصہ نہیں لیا کیونکہ یہ دونوں جماعتیں جمہوریت میں یقین نہیں رکھتی ہیں جب کہ وہ متعدد بار حکومت میں رہے ہیں لیکن جموں و کشمیر میں کبھی بھی بی ڈی سی انتخابات نہیں کروائے۔
اس کے ساتھ ہی کویندر گپتا نے محبوبہ مفتی کے ٹویٹر ہینڈل سے کی گئی ٹویٹ (جو سپریم کورٹ کے آرے جنگلات کی کٹائی سے متعلق تھی) پر کہا کہ ' اگر مہاراشٹر میں درخت کی کٹائی کے معاملے میں سپریم کورٹ سماعت کر رہی ہے کیوں کہ وہ ماحولیاتی تحفظ کے لیے ضروری ہے۔ لیکن معاملہ اگر آرٹیکل 370 کا ہے تو آرٹیکل 370 کے نام پر جموں و کشمیر میں شدت پسندی کو ہوا دی گئی ہے اور جتنی شدت پسندی پھیلائی گئی ہے یہ صرف اس کنبے کی مدد سے ہی ہوا ہے لیکن اب ان لوگوں سے کوئی فرق نہیں پڑتا'۔
