دہلی: سابق آئی اے ایس افسر شاہ فیصل کی قائم کردہ سیاسی جماعت جموں و کشمیر پیپلز موومنٹ عام آدمی پارٹی (عآپ) میں ضم ہوگئی۔جے کے پی ایم کے صدر ڈاکٹر غلام مصطفیٰ خان سمیت پارٹی کے دیگر عہدیداروں نے نئی دہلی میں عام آدمی پارٹی میں شمولیت اختیار کرلی۔JKPM merges with Aam Aadmi party
غلام مصطفیٰ خان نے کہا کہ ہماری اور عآپ کی سوچ ایک جیسی ہے اور جو مشن لے کے ہم نکلے تھے وہ عام آدمی پارٹی میں پایا گیا۔ انہوں نے کہا کہ جب سوچ ایک جیسی ہو مشن ایک جیسا ہیں تو کیوں نہ مل کے جموں و کشمیر کی تعمیر و ترقی کے لیے کام کریں۔ انہوں نے کہا ہمیں لگا کہ الگ کام کرنے سے بہتر ہے کہ عام آدمی پارٹی میں شامل ہو کر جموں و کشمیر میں عآپ کو مضبوط کیا جائے۔
ڈاکٹر مصطفیٰ خان نے کہا کہ ہم جموں و کشمیر میں جمہوریت چاہتے ہیں نہ کہ شہنشایت۔ ہم کام پر یقین رکھتے ہیں اور کام والوں کو آگے لانا چاہتے ہیں۔ سابق آئی اے ایس افسر شاہ فیصل کے بارے میں پوچھے گئے سوال پر انہوں نے کہا کہ شاہ فیصل نے پارٹی سے پہلے ہی استعفیٰ دیا ہے تو ان کا اب اس پارٹی سے کوئی تعلق نہیں ہے۔
مزید پڑھیں:
ڈاکٹر مصطفیٰ خان نے کہا کہ دفعہ 370 کا معاملہ عدالت عظمیٰ میں ہے اور جو بھی فیصلہ سُپریم کورٹ دے گا وہ سبھی کو منظور ہوگا۔ انہوں نے کہا کہ جموں و کشمیر پیپلز موومنٹ پی اے جی ڈی کا حصہ تھی لیکن جب الائنس کے پاس جموں و کشمیر کی تعمیر و ترقی کے لیے روڈ میپ نہیں ہے تو الائنس میں رہ کے کیا فائدہ ہے۔
