مشن شکتی کے تحت سہارنپور میں پروگرام کا انعقاد

اترپردیش کی حکومت کے مشن شکتی پروگرام کے تحت ریاست کی یوگی حکومت نے خواتین کے لئے مزید ایک نئی پہل کی شروعات کی ہے۔ اس نئی پہل کے تحت ریاست کے کئی اضلاع میں خواتین کے لئے ”حق کی بات“ عنوان کے تحت ضلع مجسٹریٹ کے ساتھ پروگرام کا انعقاد کیا جا رہا ہے۔

اتر پردیش کے ضلع سہارنپور میں بھی حق کی بات عنوان کے تحت ضلع مجسٹریٹ کی موجودگی میں ایک پروگرام منعقد کیا گیا۔ اس پروگرام میں خواتین نے بڑی تعداد میں شرکت کی اور پروگرام میں موجود افسران کو اپنے اپنے مسائل سے آگا ہ کیا۔ بعد ازاں افسران نے خواتین کے مسائل کو سن کر فوراً ان مسائل کے حل سے متعلق افسران کو ہدایات دیں۔

پروگرام کی افادیت کے متعلق تفصیلات بتاتے ہوئے سہارنپور کے ضلع پروبیشن آفیسر پشپیندر سنگھ نے بتایا کہ وزیر اعلی کے احکامات کے بعد حق کی بات عنوان کے تحت ضلع مجسٹریٹ کی موجود گی میں پروگرام کا انعقاد کیا گیا ہے۔ پروبیشن آفیسر نے بتایا کہ خواتین کے ساتھ ہونے والے گھریلوں تشدد، خواتین کا استحصال، سروس اور کیرئر کے متعلق تمام پریشانیوں و مسائل یا مذکورہ مسائل سے متعلق پیدا ہونے والی پیچیدگیوں کے حل کے لئے یہ پروگرام منعقد کیا گیا ہے۔