سہارنپور: دو بائیک چور گرفتار، دس موٹر سائیکلیں برآمد

سہارنپور کے تھانہ چلکاہ پولیس کو بڑی کامیابی ملی، پولیس نے دو گاڑی چوروں کو گرفتار کرکے ان سے دس چوری شدہ موٹرسائیکلیں برآمد کی ہیں۔ ایس ایس پی ڈاکٹر ایس چنناپا نے پریس کانفرنس کرکے پورے واقعہ کے متعلق تفصیلی معلومات فراہم کرائی۔

ضلع میں موٹر سائیکل اور گاڑیوں کی چوری کی وارداتوں کو روکنے کے لیے پولیس مسلسل کوشش کر رہی ہے۔ آج سہارنپور کے تھانہ چلکانہ پولیس کو اس بڑی کامیابی ملی ہے، جب پولیس نے دو شاطر گاڑی چوروں کو گرفتار کیا اور ان کے قبضے سے چوری کی گئی 10 موٹر سائیکلیں برآمد کی ہیں۔

ایس ایس پی سہارنپور ڈاکٹر ایس چنناپا نے ایک پریس کانفرنس کے دوران پورے واقعہ کا انکشاف کرتے ہوئے بتایا کہ پولیس ایک عرصے سے مذکورہ چوروں کی تلاش میں تھی، جس کے لیے کئی ٹیمیں تشکیل دی گئیں اور آج پولیس کو اس میں کامیابی ملی۔

گاڑی چور دوسرے اضلاع میں لے جاکر انہیں سستی کی قیمتوں میں فروخت کرتے تھے۔