سہارنپور:کورونا وائرس کے10 نئے متاثرین کی تصدیق

ریاست اترپردیش کے ضلع سہانپور میں 10 نئے افراد میں کورونا وائرس کی تصدیق کے بعد ضلع میں کووڈ۔19 سے مصدقہ متاثرین کی مجموعی تعداد30 ہوگئی ہے۔

چیف میڈیکل افسر ڈاکٹر بی ایس سوڑھی نے بتایا کہ رپورٹ میں دس افراد میں کورونا وائرس کی تصدیق ہوئی ہے۔ جس میں پانچ شہریوں کا تعلق مغربی بنگال سے ہے جبکہ دو کا سہارنپور اور تین دیگر ہیں۔

ڈسٹرکٹ مجسٹریٹ اکھلیش سنگھ نے بتایا کہ سہارنپور میں ماسک سے منھ ڈھکنا ضروری قرار دیا گیا ہے۔ لوگوں کو لاک ڈاؤن پر عمل کرنے کی ہدایت دی گئی ہے۔ایس ایس پی نے بتایا کہ ضلع میں ہاٹ اسپاٹ مقامات کی نشاندہی کر کے ڈرون کیمرے سے نگرانی کی جارہی ہے۔