ریاست اتر پردیش کے شہر سہارنپور میں کسان یونین کارکنوں نے ایس ڈی ایم کو ایک میمورنڈم سونپ کر تمام مسائل کو جلد از جلد حل کرنے کا مطالبہ کیا۔بھارتیہ کسان یونین کے کارکنان بڑی تعداد میں ایس ڈی ایم آفس پہنچے اور دھرنے پر بیٹھ گئے۔
یونین کے منڈل جنرل سکریٹری ڈاکٹر منی کانت بھاردواج نے بتایا ہے کہ یونین کارکنوں نے کئی بار افسران کسانوں کے مسائل،گنےّ کے بقایہ اور پرچی نہ ملنے کی شکایت کی ہے۔ لیکن افسران ان کی شکاتیوں پر توجہ نہیں دے رہے ہیں،اس وجہ سے کسان احتجاج کرنے پر مجبور ہو گئے۔
تحصیل صدر ایشور چند آریہ اور بلاک صدر چودھری راج پال سنگھ نے کہا کہ گنے کے بقایہ کی عدم ادائیگی کے سبب کسان معاشی بحران سے دوچار ہیں۔
کارکنوں نے کہا کہ کسانوں کے گنے کی بقایا قیمت کی فوری ادائیگی کی جائے۔ ناگل میر پور ریلوے اسٹیشن کے قریب پیدل چلنے والوں کے لئے فٹ پاتھ بنایا جائے، ناصر پور اور ڈنگولی میں آبادی کے درمیان راستے سے غیر قانونی قبضہ ہٹانے ، ناگل اور پہاڑ پور کو ملانے والی چک روڈ کی تعمیر اور نگلی مہناز میں بجلی کی اوور لوڈنگ کی پریشانی سے نجات دلانے کی مانگ کی ہے۔
کسانوں نے مذکورہ مسائل سے متعلق ایک میمورنڈم ایس ڈی ایم راکیش کمار سنگھ کو دیتے ہوئے تمام مسائل کا جلد از جلد حل کرنے کامطالبہ کیا ہے۔ اس دوران ایس ڈی ایم راکیش کمار نے کسانوں کو جلدی ہی تمام مسائل حل کرنے کی یقین دہانی کرائی ہے۔
