رامبن میں پارکنگ کی قلت، عوام کو مشکلات

ضلع رامبن کے قصبہ قدیم کورٹ روڈ و ہسپتال روڈ کو پارکنگ بنا دیا گیا ہے۔ جس سے مقامی لوگوں کو کافی مشکلات کا سامنا کرنا پڑرہا ہے۔

مقامی لوگوں کے مطابق بس اسٹینڈ سےضلع ہسپتال، ہائر سیکنڈری اسکول سے وجے چوک تک پرائیوٹ گاڑیاں کھڑی کردی جاتی ہیں۔ جس کی وجہ سے طلبا اور مریضوں کو کافی مشکلات کا سامنا کرنا پڑتا ہے۔

رامبن میونسپل کمیٹی کے صدر امت بھارتی نے کہا کہ پارکنگ ایک بڑا مسئلہ ہے۔ انہوں نے ضلع کمشنر رامبن سے میٹنگ کرکے ان سے پارکنگ کے لیے الگ زمین کا مطالبہ کیا ہے۔