محکمے کی جانب سے ان سینٹرز کو راشن اور دیگر اشیا تو فراہم کیے گئے ہیں لیکن وہ لوگوں تک پہنچائے نہیں جارہے ہیں۔
مقامی لوگوں کا الزام ہے کہ محکمہ بھی غفلت کی نیند سو رہا ہے۔
ای ٹی وی بھارت کی ٹیم نے جب پسماندہ علاقوں کا دورہ کیا اور آنگن باڑی سینٹرز کا دورہ کرکے صورتحال جاننے کی کوشش کی تو حالات اس قدر خستہ تھے جس کو بیان بھی نہیں کیا جا سکتا۔
آنگن باڑی بے توجہی کا شکار
لوگوں میں ناراضگی تو ہے ہی ساتھ ہی لوگ مایوس بھی ہیں۔ علاقے کے لوگوں کا کہنا ہے کہ ان کے علاقے کے آنگن باڑی سینٹر اکثر بند رہتے ہیں۔ جس سے راشن بھی نہیں ملتا۔
لوگوں کا یہاں تک کہنا ہے کہ اس سلسلے میں کئی مرتبہ متعلقہ محکمے میں شکایت بھی کئی گئی اور افسران کو اس بابت مطلع بھی کیا گیا لیکن ابھی تک کسی طرح کے اقدامات نہیں کیے گئے ۔ لوگ انتظامیہ سے فریاد کر رہے ہیں کہ انہیں بحال کیا جائے ۔
