جنگلی ریچھ کے حملے میں خاتون زخمی

اطلاع کے مطابق خاتون کھیت سے ہوکر گھر جا رہی تھی تبھی اچانک ایک جنگلی ریچھ نے ان پر حملہ کردیا۔ خاتون کو ایس ڈی ہسپتال بانہال منتقل کیا گیا، جہاں سے انہیں مزید علاج کے لیے ایس ایم ایچ ایس ہسپتال سرینگر ریفر کیا گیا۔

گنڈ تیتھر بانہال کے قریب جنگلی ریچھ کے حملے کے بعد ایک بزرگ خاتون شدید زخمی ہو ئی ہیں۔

اطلاع کے مطابق خاتون کھیت سے ہوکر گھر جا رہی تھی تبھی اچانک ایک جنگلی کالے ریچھ نے خاتون پر حملہ کردیا۔

خاتون کی شناخت گلشن بیگم بیوی ثناء اللہ شیخ 64 سالہ رہائشی یوگنڈ تیتھر بانہال کے طور پر ہوئی ہے۔

خاتون کی چیخ و پکار سن کر لوگ مدد کے لیے لوگ دوڑ پڑے۔ زخمی خاتون کو ایس ڈی ہسپتال بانہال منتقل کیا گیا، جہاں سے انہیں مزید علاج کے لیے ایس ایم ایچ ایس ہسپتال سرینگر ریفر کیا گیا۔