بدمعاشوں نے ٹرک سمیت 50 لاکھ روپے کی دوا لوٹ لی

بہار کے ویشالی ضلع میں جنداہا تھانہ علاقہ کے چک فتح کے نزدیک بدمعاشوں نے ایک ٹرک کے علاوہ اس پر لدی 50لاکھ روپے قیمت کی دوا لوٹ لی ہے ۔

پولیس ذرائع نے آج یہاں بتایاکہ دوا لیکر سمستی پور ضلع کے پٹوری جارہے ٹرک کو چھ بدمعاشوں نے تعاقب کر کے چک فتح گاﺅں کے نزدیک روک لیا ۔ بدمعاشوں نے اسلحہ کا خوف دکھا کر ڈرائیور اور خلاصی کو ٹرک سے نیچے اتاردیا اور 50 لاکھ روپے قیمت کی دوا لدے ٹرک لیکر فرار ہوگئے ۔

ذرائع نے بتایاکہ ڈرائیور نے جنداہا تھانے کو واقعے کی اطلاع دی ۔ اس سلسلے میں ایک ایف آئی آر درج کر کے پولیس معاملے کی تفتیش میں مصروف ہو گئی ہے ۔ ساتھ ہی بدمعاشوں کی گرفتاری کیلئے سبھی ممکنہ ٹھکانوں پر چھاپے ماری کی جارہی ہے ۔