بہار کی 71 اسمبلی سیٹوں کے لیے نوٹیفکیشن جاری

بہار اسمبلی کی 243 میں سے پہلے مرحلہ میں 71 سیٹوں پر 28 اکتوبر کو ہونے والے انتخاب کیلئے آج نوٹیفکیشن جاری کر دی گئی ۔

ریاستی الیکشن دفتر کے مطابق ، بہار کی 71 اسمبلی سیٹوں کیلئے نوٹیفکیشن جاری کر دی گئی ہے۔ اس کے ساتھ ہی ان علاقوں کیلئے پرچہ نامزدگی کا عمل شروع ہو گیا ہے ۔ امیدوار 08 اکتوبر تک پرچہ داخل کر سکیںگے ۔ داخل پرچوں کی جانچ 09 اکتوبر کو ہوگی اور 12 اکتوبر تک امیدوار اپنا نام واپس لے سکیںگے۔
پہلے مرحلہ میں ریاست کے جن 71 اسمبلی حلقوںمیں انتخاب ہوناہے ان میں کہلگاﺅں ، سلطان گنج ، امر پور ، ددھوریا ، ( محفوظ ) ، بانکا، کٹوریا ( محفوظ ) ، بیلہر ، تارا پور ، مونگیر ، جمال پور ، سورج گڑھا ، لکھی سرائے ، شیخ پورا ، بر بیگھا ، مکامہ ، باڑھ ، مسوڑھی ( محفوظ ) ، پالی گنج ، بکرم ، سندیش ، برہرا ، بکسر ، ڈمراﺅں ، راج پور ( محفوظ ) ، رام گڑھ ، موہنیاں ( محفوظ) ، بھبھوا ، چین پور ، چیناری ( محفوظ ) ، سہسرام ، کر گہر ، دینارا ، نوکھا ، ڈہری ، کاراکاٹ ، ارول ، کرتھا ، جہان آباد ، گھوسی ، مخدوم پور ( محفوظ ) ، گوہ ، اوبرا ، نبی نگر ، کٹنبا ( محفوظ) ، اورنگ آباد ، رفیع گنج ، گروا، شیر گھاٹی ، امام گنج ( محفوظ) ، بارہ چٹی ( محفوظ) ،بودھ گیا ، گیا شہر ، ٹکاری ، بیلا گنج ، اتری ، وزیر گنج ، رجولی ( محفوظ ) ، ہسوا ، نوادہ ، گوند پور ، وارسلی گنج ، سکندر ا ( محفوظ) ، جموئی، جھا جھا اور چکائی شامل ہیں ۔
غور طلب ہے کہ بہار اسمبلی کی 243 سیٹوں کیلئے تین مرحلہ میں 28 اکتوبر ، 03 نومبر اور 07 نومبر کو ووٹنگ ہوگی ۔ دس نومبر کو ووٹوں کی گنتی ہوگی اور انتخابی عمل 12 نومبر تک مکمل ہوجائے گا۔ بہار اسمبلی کی موجودہ مدت کار 29 نومبر 2020 کو ختم ہورہی ہے۔