والمیکی نگر لوک سبھا نشست پر جے ڈی یو امیدوار کو سبقت

بہار کے ضلع مغربی چمپارن کے والمیکی نگر لوک سبھا حلقہ میں آج جاری ووٹوں کی گنتی میں جنتا دل یونائیٹڈ امیدوار نے صبح 10 بجے تک 265 ووٹوں کے فرق سے کانگریس امیدوار سے آگے چل رہے ہیں۔

الیکشن کمیشن کے مطابق سخت سکیورٹی کے درمیان والمیکی نگر پارلیمانی حلقہ کے ضمنی انتخاب میں ڈالے گئے ووٹوں کی گنتی جاری ہے جس میں جے ڈی یو امیدوار سنیل کمار اپنے قریبی حریف کانگریس امیدوار پرویش کمار مشرا سے 265 ووٹوں سے آگے ہیں۔

صبح 10 بجے تک گنتی میں جے ڈی یو کے سنیل کمار 5115 ووٹ جبکہ کانگریس کے پرویش کمار مشرا 4850 ووٹ حاصل کرچکے ہیں۔ اسی دوران ، بھارتیہ پنچایت پارٹی کے امیدوار شیلندر کمار 933 ووٹ لے کر تیسرے نمبر پر ہیں۔