سمستی پور سے موصولہ رپورٹ کے مطابق ضلع کے دو مقامات پر چھاپے ماری کر کے پولیس نے 414 کارٹن انگریزی شراب برآمد کی ہے ۔ اطلاع کی بنیاد پر ضلع کے ویبھوتی پور تھانہ علاقہ کے پتولیا گاﺅں واقع ایک ٹھکانے پر چھاپے ماری کی گئی۔ اس دوران موقع سے ٹرک پر لدی 333 کارٹن انگریزی شراب برآمد کی گئی۔ موقع سے ایک پک اپ وین اور ایک موٹر سائیکل بھی برآمدکی گئی ہے۔ موقع سے کسی کو گرفتار نہیں کیاجاسکاہے۔
وہیں ضلع کے مفصل تھانہ کے باگی گاﺅں واقع ایک گھر سے 81 کارٹن انگریزی شراب برآمد کی گئی ہے۔ معاملے کی تفتیش کی جارہی ہے۔
حاجی پور سے موصولہ خبر کے مطابق ویشالی ضلع کے لال گنج تھانہ علاقہ کے سرسا برن گاﺅں سے پولیس نے 331 کارٹن انگریزی شراب برآمد کی ہے۔ اطلاع ملی تھی کہ برسا برن گاﺅں واقع ایک مکان میں شراب کی بڑی کھیپ چھپا کر رکھی گئی ہے ۔ اسی بنیاد پر پولیس نے کل دیر رات مذکورہ مکان پر چھاپے ماری کر کے ہریانہ میں تیار 331 کارٹن انگریزی شراب برآمد کر لی۔ موقع سے کسی کو گرفتار نہیںکیاجاسکا ہے۔ معاملے کی تفتیش کی جارہی ہے ۔
