پائیدار ترقی کے لیے گوتم بدھ نگر ڈی ایم کی سربراہی میں سرکاری اسکولی بچوں کا آٹو ایکسپو کا خصوصی دورہ کرایا گیا۔
اطلاعات کے مطابق پائیدار ترقی کے لیے گوتم بدھ نگر ڈی ایم بی این سنگھ کی سربراہی میں بیسک ایجوکیشن ڈپارٹمنٹ کے طلبا کو گرینٹر نوئیڈا میں جاری عالمی آٹو ایکسپو کا دورہ کرایا گیا۔
اس موقعے پر ضلع کے مختلف بلاکز سے تقریباً 250 سے 300 طلباکا انتخاب کیا گیا اور انہیں آٹو ایکسپو کا دورہ کرایا گیا۔ اس دورے میں جیور، دنکور، دادری اور نوئیڈا کے تمام خطے کے طلبا موجود رہے۔
اس دورہ کے لیے ایچ سی ایل فاؤنڈیشن اور ایکسپو مارٹ کی جانب سے بچوں کے لیے بسوں کا انتظام کیا گیا تھا۔ آٹو ایکسپو میں آنے والے گورنمنٹ اسکول کے تمام طلبہ بہت خوش نظرآئے۔
ضلع کلکٹر بی این سنگھ نے بتایا ہے کہ ضلع کے سرکاری اسکولوں میں تعلیم حاصل کرنے والے بچوں کی تعلیم بہتری لانے اور ان کی صلاحیتوں کو نکھارنے کے لیے سی ایس آر(کارپوریٹ سوشل ریسپانس بلیٹی) کے بینر تلے مختلف کمپنیاں بچوں کو مختلف سہولیات کی فراہمی کے لیے آگے آئیں ہیں۔ تاکہ سرکاری اسکولوں میں تعلیم حاصل کرنے والے تمام بچے دوسرے بچوں کے ساتھ مسابقت کر سکیں۔'
