امپلائز ایسوسی ایشن نوئیڈا نے اچھی پہل کرتے ہوئے نوئیڈا اتھارٹی کے یوم تاسیس کے موقع پر ملنے والی رقم کا نصف حصہ اتھارٹی کے ذریعہ چلنے والی کمیونٹی کچن کو دیئے جانے کا فیصلہ کیا ہے اور نصف موجودہ حالات میں بھی خدمات پیش کرنے والے اتھارٹی کے ملازمین (کورونا وائرس) کو دئیے جائیں گے۔
ایسوسی ایشن کے صدر چودھری راجکمار سنگھ نے بتایا کہ اس لاک ڈاؤن کے تحت نصف رقم نوئیڈا کے ملازمین (کورونا واریرز) کی حوصلہ افزائی کے لئے دینے کا فیصلہ کیا گیا ہے۔
چیف ایگزیکٹو آفیسر ریتو مہیشوری اور این ای اے کے صدر راجکمار سنگھ نے 15000 فوڈ پیکٹ کی بس کو گرین سگنل دکھا کر روانہ کیا۔ اس کو 'میل آن وہیل' نام دیا گیا۔ یہ کھانا نوئڈا میں ان تمام لوگوں کو دیا جائے گا جو لاک ڈاؤن میں بھی اپی خدمت انجام دے رہے ہیں۔
ایک افسر کے مطابق تین مئی تک پانچوں کمیونٹی کچنوں کو یومیہ 15000 فوڈ پیکٹ دیئے جائیں گے تاکہ پورے نوئیڈا میں کمیونٹی کچن کے ذریعہ دیئے جارہے 85000 سے 90000 فوڈ پیکٹ میں اضافہ کر کے 100000 ایک لاکھ کیا جا سکے اور نوئیڈا کے اندر کوئی بھوکا نہیں رہے۔
