نوئیڈا میں جشن عید میلاد النبی عقیدت و احترام سے منایا گیا

12 ربیع الاول کی مناسبت سے نوئیڈا میں جشن عید میلاد النبی عقیدت و احترام کے ساتھ منایا گیا، کورونا کی وجہ سے اس مرتبہ جلوس کو مختصر کیا گیا۔

ریاست اترپردیش کے شہر نوئیڈا میں 12 ربیع الاول کی مناسبت سے آج آخری نبی حضرت محمدﷺکی ولاد ت کا جشن مذہبی جوش و جذبے اور عقیدت و احترام کے ساتھ منایا گیا۔

حضورﷺ کی مدح سرائی کے ساتھ عشق رسولﷺ کے اظہار کے لیے جلوس نکالے گئے، جس میں ہزاروں عاشقان رسولﷺ نے شرکت کی، حالانکہ کورونا کی وجہ سے اس مرتبہ جلوس نکالنے پر ضلعی انتظامیہ کی جانب سے پابندی ہونے کی وجہ سے جلوس کو مختصر کیا گیا اور جلوس کو سیکٹر 9 سے شروع کر کے سیکٹر 8 ہوتے ہوئے سیکٹر 10 پر ختم کر دیا گیا۔

جلوس میں میں کانگریس رہنما شہاب الدین، رضوان چودھری ندیم سیفی، قاری حیات، بابوپردھان، شکیل سیفی، چیئرمین گڈو خان کے علاوہ ہزاروں لوگ شامل تھے۔

واضح رہے کہ دنیا میں مسلمان اسلامی کیلنڈر کے مطابق 12 ربیع الاول کو حضرت محمدﷺکی ولادت کی مناسبت سے جشن عید میلاد النبیﷺ مناتے ہیں۔