ریاست اتراکھنڈ کے وزیر تعلیم اروند پانڈے نے ہفتہ کو اعلان کیا کہ ہائی اسکول اور انٹرمیڈیٹ بورڈ کے امتحانات آئندہ چار مئی سے شروع ہوں گے اور نتائج کا اعلان جون کے آخر یا جولائی کے پہلے پندرہ روز میں کیا جائےگا۔
اودھم سنگھ نگر کے رودرپور میں صحافیوں سے بات چیت کرتے ہوئے انہوں نے کہا کہ کورونا انفیکشن کے سبب بورڈ کے امتحانات کرانا چیلنجنگ ہے، تعلیمی کام متاثر ہوا ہے، حکومت کی جانب سے آن لائن تعلیمی کام کرانے کی ہرممکن کوشش کی گئی ہے۔
انہوں نے کہا کہ بورڈ امتحانات دو سیشن صبح اور شام کو کرائے جائیں گے، صبح آٹھ سے گیارہ بجے کے درمیان ہائی اسکول اور شام کے سیشن میں دو سے پانچ بجے کے بیچ انٹرمیڈیٹ کے امتحانات منعقد کیے جائیں گے۔
اس سے قبل تین اپریل سے 25 اپریل تک تجرباتی امتحانات کرائے جائیں گے، انہوں نے آگے بتایا کہ 15 جون تک تشخیص کا کام اور جون کے اواخر یا جولائی کے پہلے پندرہ روز میں نتائج کا اعلان کردیا جائے گا، اس دوران اتراکھنڈ اسکول امتحانات کونسل کی سکریٹری نیتا تیواری بھی موجود رہیں۔
(یو این آئی)
