دربھنگہ میں گذشتہ ایک مہینے سے عوام کے لیے سر درد بن چکے چین اسنیچر گروہ کے جرائم پیشہ افراد کو آخر کار پولیس نے گرفتار کر راحت کی سانس لی۔
دربھنگہ کے سینئر ایس پی بابو رام نے اس گرفتاری کی جانکاری دیتے ہوئے کہا کہ دربھنگہ کے سیٹی ایس پی یوگیندر کمار کے قیادت میں ایک ٹیم بنائی گئی، جس میں ڈی ایس پی صدر اور دیگر پولیس اہلکار بھی شامل تھے۔ اس ٹیم نے بڑی محنت کے ساتھ سی سی ٹی وی فوٹیج اور دیگر ذرائع سے حاصل نشاندھی کے بعد جرائم پیشہ افراد کو گرفتار کرنے میں کامیابی حاصل کی۔
سب سے پہلے دو لوگوں کو گرفتار کیا گیا ان سے پوچھ گچھ کے بعد باقی چھ چور کو گرفتار کیا ہے ان تمام کا تعلق مظفرپور ضلع کے گائے گھاٹ تھانہ حلقہ سے ہے۔
اس موقع پر ان کے قبضہ سے دو پستول پانچ گولی نو موبائل اور سات موٹر سائیکل برآمد کیے گئے، چور نے پولیس کے سامنے اپنا جرم قبول کیا۔ پولیس نے بتایا کہ ان تمام افراد کا پہلے سے جرائم کا ریکارڈ ہے -
پولیس کے مطابق اب تک دربھنگہ کی کُل دس خواتین کو انھوں نے اپنا شکار بنایا ہے-
اس موقع پر ایس پی بابو رام نے دربھنگہ کی عوام سے مستعد اور ہوشیار رہنے اور ایسےکسی بھی شخص کو دیکھنےپر فوراً پولیس کو اس کی اطلاع دینے کی اپیل کی۔
