ممبئی: مہاراشٹر کی عوام نے کورونا کی پہلی، دوسری اورتیسری لہر کو کراری شکست دی ہے۔ یہی وجہ سے کہ ریاستی عوام کو یکم اپریل سے کورونا سے متعلق تمام پابندیوں سے راحت مل سکتی ہے۔ مہا وکاس آگھاڑی سرکار یہ منصوبہ بنا رہی ہے۔ چونکہ ریاست میں کورونا مکمل طورپر قابو میں آگیا ہے۔ اس سے قبل بھی کورونا کی پابندیوں میں کافی حد تک نرمی کی گئی تھی۔ جس میں اسکول، تھیٹر، مالس، ریستوران، پارک، آفس وغیرہ کو 100 فیصد پر کھولنے کی منظوری دی جاچکی ہے State government decides to lift ban in Maharashtra۔
کورونا سے متاثرہ کاروبار بھی اپنی پرانی روش پر آرہا ہے۔ اس کے باجود بھی کورونا کی کچھ پابندیاں ریاست میں نافذ ہے۔ اسے بھی ہٹانے کا اعلان کیا جا سکتا ہے۔ ایسے میں ماسک لگانے کے متعلق اور سماجی دوری کو لے کر مہاراشٹر سرکار کے اندر کیا چل رہا ہے اس کو لے کر مہاراشٹر کے ریاستی وزیر صحت راجیش ٹوپے نے بتاتے ہوئے کہا کہ چونکہ دنیا کے بیشتر ملکوں میں چوتھی لہر کے آنے کے امکانات کو بھی نظر انداز نہیں کیا جاسکتا۔ اس لئے ہم ماسک کا استعمال عوام کی صحت کو مد نظر رکھتے ہوئے جاری رکھیں گے۔ کیونکہ چین، ساوتھ افریقہ، ساوتھ کوریا، امریکہ اور یورپی ممالک میں کورونا کی چوتھی لہر نے دستک دینا شروع کر دیا ہے۔
انہوں نے مزید کہا کہ اس سلسلے میں مہاوکاس آگھاڑی سرکار آج (جمعرات) یا جمعہ کو کچھ فیصلے لے سکتی ہے۔ مجھے امید ہے کہ سرکار بھلے ہی کورونا سے متعلق تمام پابندیوں کو ہٹا دے گی لیکن ماسک کے استعمال کو جاری رکھے گی۔ انہوں نے مزید بتایا کہ سمیتی کے اراکین اور ریاستی افسران سے ملی جانکاری کے مطابق ریاست میں بہت زیادہ مقدار میں عوام نے کورونا ٹیکہ کاری مہم میں حصہ لے کر اسے کامیاب بنانے کی کوشش کی ہیں۔ یہی وجہ ہے کہ کورونا سے متعلق بنائی گئی سمیتی نے تمام پابندیوں کو ہٹانے کا فیصلہ لیا ہے۔
مزید پڑھیں:
حالانکہ فی الحال اس کا باقاعدہ اعلان نہیں ہوا ہے۔ اس سلسلے میں حتمی فیصلہ وزیراعلی ادھو ٹھاکرے کریں گے۔ سمیتی نے اپنی کار کردگی ان کے سامنے رکھ دی ہیں۔ وزیر اعلی کی جانب سے اعلان ہوتے ہی کورونا سے متعلق تمام پابندیوں کو ہٹا لیا جائے گا۔ ایسے میں ماسک نہ پہننے پر وصولا جانے والا جرمانہ بھی معاف کیا جاسکتا ہے۔
