چین کے خلاف ممبئی میں مظاہرہ

چین میں مسلمانوں پر ہورہے ظلم کے خلاف آج ممبئی کے بھنڈی بازارمیں رضا اکیڈمی کے کارکنان نے چینی صدر کے خلاف احتجاج کیا اور حکومت ہند سے مداخلت کرنے کی اپیل بھی کی۔

ریاست مہاراشٹر کے ممبئی میں رضا اکیڈمی کے کارکنان نے بھنڈی بازار میں چین میں مسلمانوں کے ساتھ ناروا سلوک کرنے کی وجہ سے چینی صدر کے خلاف احتجاج کیا گیا۔

کووڈ ایس او پیز کے پیش نظر مظاہرے میں 50 سے زائد لوگ شامل تھے، مظاہرے کے دوران ممبئی پولیس کا پختہ بندوبست تھا، تاکہ کسی طرح سے نظم و نسق کو لیکر کوئی مسئلہ پیدا نہ ہو۔

رضا اکیڈمی کے صدر سعید نوری نے کہا کہ چین میں مسلمانوں پر ظلم ہو رہا ہے، مسلمانوں کو مذھبی رسومات بھی ادا کرنے کی اجازت نہیں، یہی نہیں چین میں قرآن پاک کی توہین کی جاتی ہے۔

انھوں نے کہا کہ چین کے مسلم گھرانوں میں محمد نام نہیں رکھنے دیا جا رہا، سعید نوری نے بھارتی حکومت سے اپیل کی ہے کہ چین میں قید مسلمانوں کی رہائی کے لیے حکومت مداخلت کرے۔