کورونا وائرس کے پھیلاؤ کو روکنے کے لیے مہاراشٹر کے وزیر اعلی ادھو ٹھاکرے نے ممبئی اور پونے میں لاک ڈاون کے دوران دی گئی تمام سہولتوں کو منسوخ کر دیا ہے۔
ساتھ ہی انتظامیہ کو لاک ڈاؤن کی سخت نگرانی کرنے کی بھی ہدایت دی ہے۔
20 اپریل سے ریاستی حکومت نے لاک ڈاؤن میں کچھ نرمی کرتے ہوئے کچھ کاروبار کو شروع کرنے کا فیصلہ کیا تھا مگر عوام نے اس کا غلط فائدہ اٹھاتے ہوئے آزادانہ طور پر کاروبار کرنا شروع کر دیا تھا۔
وزیراعلیٰ نے عوام کے ساتھ براہ راست نشریات پر اپنی برہمی کا اظہار کیا اور متنبہ کیا کہ اگر پابندیوں پر پوری طرح سے عمل نہیں کیا گیا تو دی گئی تمام چھوٹ اور نرمی منسوخ کردی جائے گی۔
لاک ڈاؤن کے دوران کچھ کاروبار میں دی جانے والی نرمی جو 17 اپریل کو ریاستی حکومت کی طرف سے جاری کردہ نوٹیفکیشن میں دی گئی تھی، اس میں ترمیم کرتے ہوئے ان تمام سہولتوں کو منسوخ کرنے کا نوٹیفکیشن جاری کیا گیا ہے جو ممبئی اور پونے شہر کے لیے لاگو کیا گیا ہے۔
جبکہ ریاست کے دیگر اضلاع میں دی گئی سہولیات برقرار رہیں گی۔
