شیواجی یونیورسٹی کولہا پور کے انتظامیہ کے ساتھ آن لائن امتحانات پر جائزہ میٹنگ کے بعد ادے سامنت نے بتایا کہ ممبئی یونیورسٹی کے آن لائن امتحانات میں پریشانی کے بارے میں کہا کہ کل پانچ لاکھ لوگوں نے یونیورسٹی کے پیج کھولنے کی کوشش کی تھی جس کے سبب پریشانی ہوئی، لیکن حکومت نے آن لائن امتحانات کے لیے اب مناسب احتیاطی تدابیر اختیار کی ہیں اور اب کوئی تکنیکی مسئلہ نہیں آئے گا، کیونکہ منصوبہ بند طریقے سے امتحانات لیا جائے گا اور طلباء پر کوئی دباؤ بھی نہیں ہوگا۔
سامنت نے کہا کہ انہوں نے پہلے ہی ممبئی یونیورسٹی کو آن لائن امتحانات میں آنے والی تکنیکی دشواریوں کی جانچ کرنے کا حکم دے دیا ہے، اس سے متعلق سات روز کے اندر رپورٹ پیش کی جائے گی، ریاست میں کورونا وبا کا ابھی بھی اثر ہے اور ریاست میں کالجوں کو دوبارہ شروع کرنے کے لیے وزیراعلیٰ ادھو ٹھاکرے سے تبادلہ خیال کرنے کے بعد کالج کھولنے پر غورکیا جائے گا۔
انہوں نے کہا کہ مہاراشٹر اور کرناٹک ریاست کے درمیان متنازعہ سرحدی علاقہ کے طلباء کے لیے اس ضلع کے چاند گڑھ تحصیل کے شینولی گاوں میں ایک تعلیمی کمپلیکس جنوری 2021 سے کھلے گا اور لائبریری شروع کرنے کے لیے حکومت جلد ہی مناسب ضوابط بنائے گی۔
سامنت نے کہا کہ اگر تعلیمی اداروں کے مالکان لاک ڈاون کی مدت میں تعلیمی فیس لے رہے ہیں تو لوگوں کو ڈپٹی ڈائریکٹر ایجوکیشن سے اس معاملے کی شکایت کرنی چاہیے۔
