مہاراشٹر کے وزیر داخلہ انیل دیشمکھ نے بدھ کے روز
سی بی آئی سے ڈی ایچ ایف ایل کے پروموٹرز کپل ودھاون اور دھیرج ودھاون کو تحویل میں لینے کی درخواست کی ہے۔
مذکورہ افراد مبینہ طور پراس ماہ کے اوائل میں لاک ڈاؤن اصولوں کی خلاف ورزی کرتے ہوئے مہابلیشور گئے تھے۔
ودھاون برادران اور 21 دیگر افراد ، جن میں ان کے کنبہ کے افراد بھی شامل ہیں ، مہابلیشور پہاڑی شہر پہنچے ، جہاں ستارا ضلع انتظامیہ نے انھیں نے وہاں کورنٹین کردیا۔
اس ضمن میں وزیر داخلہ نے فیس بک میں کہا کہ انہوں نے سنٹرل بیورو آف انویسٹی گیشن (سی بی آئی) سے درخواست کی ہے کہ ان افراد کی کورنٹین مدت ختم ہوتے ہی انھیں تحویل میں لے لیا جائے۔
دیوان ہاؤسنگ فنانس لمیٹڈ (ڈی ایچ ایف ایل) کے 46 سالہ چیئرمین اور منیجنگ ڈائریکٹر کپل کو انفورسمنٹ ڈائریکٹوریٹ نے رواں سال 27 جنوری کو 2013 میں مرنے والے گینگسٹر اقبال سے مشکوک معاملے کے الزام میں گرفتار کیا ۔ اور منی لانڈرنگ ایکٹ (پی ایم ایل اے) کی روک تھام کے تحت ان کے خلاف مقدمہ درج کیا گیا تھا۔
ممبئی کی خصوصی پی ایم ایل اے عدالت نے انہیں 21 فروری کو ضمانت دی تھی۔
