مہاراشٹر میں ریاست کے چیف ہوم سکریٹری امیتابھ گپتا کو چھٹی پر بھیج دیا گیا ہے۔
ریاست مہاراشٹر میں کورونا وائرس کی مہلک وبا کی روک تھام کے لیے مکمل طور پر لاک ڈاون کیا گیا ہے اور سفر کی اجازت اس صورت میں ہے جب غیر معمولی حالات ہوں لیکن ریاستی چیف ہوم سکریٹری کے ذریعے وادھون فیملی کی مدد کرنے پر حزب اختلاف نے اعتراض کیا ہے۔
8 اپریل کو ریاستی ہوم سکریٹری امیتابھ گپتا نے کھنڈالا سے مہابلیشور جانے کے لئے وادھون فیملی کو ایک خط دیا تھا اور اس میں کپل وادھون، ارون وادھون، ونیتا وادھون، ٹینا وادھون، دھیرج وادھون، کارتک وادھون، پوجا، یوویکا اور آہن وادھون کو ان کے چودہ ملازمین کے ساتھ سفر کرنے کی اجازت دی گئی تھی۔
امیتابھ گپتا کے اس خط میں لکھا تھا کہ میں ان افراد کو جانتا ہوں اور ان میں سے چند افراد میرے فیملی فرینڈز ہیں۔
تاہم حزب اختلاف کے رہنما دیویندر فڑنویس کے ذریعے اس خط پر اعتراض کرنے کے بعد ریاستی وزیر داخلہ انل دیشمکھ نے امیتابھ گپتا کو جبری رخصت پر بھیج دیا ہے۔
انل دیشمکھ کے ذریعہ انکوائری کا کرنے کا حکم دینے کے بعد وادھون فیملی کے خلاف کیس درج کیا گیا ہے۔
