قتل کی اس واردات سے پورے شہر میں زبردست سراسیمگی پھیل گئی تھی۔
اسسٹنٹ پولیس کمشنر نتن کوسیڈکر نے بتایا کہ پارسناتھ کانتا ساہون نام کے شخص اور اسکے اطراف میں رہائش پذیر رام دھنی پنچم گپتا آپس میں دوست تھے۔
اسی درمیان پنچم گپتا کو پارسناتھ کی اہلیہ کے ساتھ ناجائز تعلقات ہوگئے۔ اس بات کی معلومات ہونے پر پارسناتھ نے اپنی بیوی کو ان کے آبائی وطن مدھیہ پردیش بھیج دیا۔
اس بات سے پریمی پنچم گپتا کو بہت غصہ آیا اور اُس نے نے دیر رات موقع پاکر رات اپنے دوست پارسناتھ پر لاٹھی سے وار کیا جس کی وجہ سے زخمی پارسناتھ ہلاک ہو گئے۔ اس کے بعد ملزم پنچم گپتا فرار ہوگیا۔
نارپولی پولیس نے اس قتل کی اطلاع موصول ہوتے ہی جائے وقوعہ پر پہنچ کر لاش کو قبضہ میں لیکر پوسٹ مارٹم کے لیے آئی جی ایم اسپتال بھیج دیا۔
پولیس نے سی -سی ٹی -وی کے زریعے ملزم کی شناخت کرلی۔
پولیس نے اطلاح ملنے کے بعد ملزم کو ان کے آبائی گاؤں اترپردیش کے غازی پور سے گرفتار کر لیا۔
اس دوران نارپولی پولیس نے ملزم کو بھیونڈی کورٹ میں پیش کیا۔کورٹ نے 30 مارچ تک پولیس ریمانڈ میں بھیج دینے کا حکم دیا۔
