پیس پارٹی کے نیشنل اسپیکر شاداب چوہان کا مرادآباد دورہ

جیسے جیسے اترپردیش اسمبلی انتخابات قریب آرہے ہیں ریاست میں سبھی پارٹیوں کی جانب سے اپنی حکومت بنانے کے لئے جگہ جگہ جلسے اور میٹنگ کا انعقاد کیا جا رہا ہے ۔اسی سلسلے میں اتر پردیش میں اپنی جگہ بنانے کیلئے پیس پارٹی بھی کوشش کرتی دکھائی دے رہی ہے۔

پیس پارٹی کے نیشنل اسپیکر شاداب چوہان نے میڈیا سے بات کرتے ہوئے سماج وادی پارٹی کے اوپر سنگین الزام عائد کرتے ہوئے کہا کہ جیل میں بند اعظم خاں کو بلی کا بکرا بنا دیا گیا ہے ۔

آخر یادو کے اہل خانہ کے سیاسی بڑے لیڈروں کی جانچ کیوں نہیں ہوئی اور جبکہ اعظم خان کو بکری چوری، بھینس چوری، کتابوں کی چوری کے ساتھ ساتھ اور کئی مقدمات میں جیل بھیج دیا گیا۔ مزید پڑھیں:

شاداب چوہان نے کہا کہ بی جے پی کے دباو میں یادو کے اہل خانہ نے اپنی ای ڈی اور سی بی آئی جانچ سے بچنے کے لئے سماج وادی پارٹی نے اعظم خاں کا سودا کیا ہے۔