سات سال کی چھوٹی معصوم سمرن کے ہنر کو سلام۔ یہ بچی ہر گلی اور چوراہوں میں جاکر رسی پر چل کر اپنا ہنر دکھاتی ہے۔ کون کہتا ہے کہ انسان کے اندر ہنر نہیں ہوتا۔ ضرورت ہوتی ہے تو بس اس کو تلاش کرنے اور نکھارنے کی۔
مرکزی حکومت اور صوبائی حکومت کی جانب سے بچوں کو تعلیم دینے کے لیے تمام منصوبے چلائے جا رہے ہیں اگر ان منصوبوں کے تحت حکومت ایسے بچوں کو تعلیم مہیا کرائے اور ہنر کو نکھارے تو یہ ہنر ملک کے مستقبل میں کام آ سکتا ہے اولمپک جیسے بڑے بڑے کھیلوں میں اگر ان بچوں کو سہولیات کے ساتھ موقع دیا جائے تو یہی بچے ملک کا مستقبل بنیں گے شرط یہ ہے کہ ان بچوں کو صحیح انداز میں نکھارا جائے۔
راجستھان کی رہنے والی یہ بچی آج کل ریاست اتر پردیش کے مردآباد کے محلوں، ہر گلی اور چوراہوں پر چند پیسوں کے لیے اپنے ہنر کا مظاہرہ کر رہی ہے۔ اس کے ہنر کو دیکھ کر لوگ دانتوں تلے انگلی دبا لیتے ہیں ای ٹی وی بھارت اردو ایسے ہنر اور جذبوں کو سلام کرتا ہے۔
