ہولی کے رنگ میں کورونا کا بھنگ

اترپردیش کے ضلع مرادآباد میں ایک وقت تھا کہ ہولی کا تہوار بڑے ہی دھوم دھام سے منایا جاتا تھا۔ ہر طرف بازاروں میں رونق نظر آتی تھی لیکن رنگوں کے اس تہوار کو گذشتہ برس سے کرونا وائرس کی ایسی نظر لگی کہ اس کے رنگ پھیکا پڑ گیا۔ ہولی کا تہوار ویسے تو رنگوں کا اور خوشیوں کا تہوار ہے مگر آج کے وقت میں کورونا وبا نے اس تہوار کو بے رنگ بنا دیا ہے۔

اس تعلق سے دکانداروں کا کہنا ہے کہ 'ایک وقت تھا جب ہولی سے تقریباً ایک ہفتہ پہلے ہولی کا سامان خریدنے کے لیے خریداروں کا ہجوم بازاروں میں دکھائی دیتا تھا لیکن اس مہنگائی اور کورونا وائرس جیسی وبا کی وجہ سے دکانوں پر گاہکوں کی کمی دیکھی جا سکتی ہے۔ دکانداروں نے کہا کہ 'آج جب ہولی کا تہوار سر پر ہے لیکن مہنگائی اور کرونا وائرس نے لوگوں کو اپنی ضرورت کے مطابق خریداری کرنے قابل بھی نہیں چھوڑا۔

مرادآباد کے گلٹیکا چوراہا بازار خریداری کے لیے مشہور ہے۔ وہاں کی دکانوں پر ویسے تو ہولی کے نئے نئے سامان موجود ہیں، لیکن دکانداری کا دور دور تک پتہ نہیں ہے۔ پہلے بھی کورونا وائرس کی وجہ سے دکانداری اچھی نہیں ہوئی تھی اور اس سال بھی دکانداری کا یہی حال ہے۔ بازاروں میں سناٹا ہے۔ لوگ ضرورت کا سامان بھی بہت سوچ سمجھ اور کم مقدار میں لے رہے ہیں۔