میرٹھ: ٹائر فیکٹری میں آتشزدگی سے لاکھوں روپئے کا نقصان

میرٹھ میں پُرانے ٹائروں کی فیکٹری میں آگ لگنے سے لاکھوں روپے کے نقصان کا اندیشہ ظاہر کیا جا رہا ہے۔ فائر بریگیڈ کی نصف درجن سے زائد گاڑیوں نے مشکل سے آگ پر قابو پایا ۔

اتر پردیش کے ضلع میرٹھ کے نوچندی تھانے کے قریب چونے والے باغ میں علاوالدین نامی شخص کی پرانے ٹائروں کی فیکٹری میں اچانک آگ لگنے سے پورے علاقے میں افرا تفری پھیل ہوگئی۔

موقع پر پہنچے فائر بریگیڈ عنملہ کی تقریباً نصف درجن سے زیادہ گاڑیوں نے اس خوفناک آتشزدگی پر کافی مشقت کے بعد قابو پایا۔

فائر اہلکار آتشزدگی کے سبب لاکھوں روپئے کا نقصان ہونے کا اندیشہ ظاہر کررہے ہیں اور ساتھ ہی آگ لگنے کی اصل وجوہات کا پتہ لگانے کی بھی کوشش کی جارہی ہے۔