چلتی کار میں آگ حادثہ وانٹا۔ شلائی قومی شاہراہ پر بڑواس کے نزدیک پیش آیا۔
آگ لگنے سے کار میں بیٹھے افراد میں افرا تفری مچ گئی۔ دیکھتے ہی دیکھتے کار جل کر خاک ہوگئی۔ ہریانہ کے نمبر کی اس گاڑی میں دو نوجوان سوار تھے۔ کار میں آگ لگنے کے اسباب کا پتہ نہیں چل سکا ہے۔
پولیس نے بتایاکہ کار وانٹا۔ شیلائی قومی شاہراہ پر گاؤں پنجوڈ کی جانب جارہی تھی۔ دونوں نوجوانوں نے دھواں اٹھتا دیکھ کر کار سے چھلانگ لگادی جس سے دونوں کو معمولی زخم آئے ہیں۔ حادثے کے بعد سڑک کے دونوں جانب گاڑیوں کی لمبی قطار لگ گئی۔
موقع پر موجود لوگوں نے گاڑی کی آگ بجھانے کی بھرپور کوشش کی لیکن تب تک گاڑی جل کر خاک ہوچکی تھی۔ پولیس معاملے کی چھان بین کررہی ہے۔
