پیر کو سنی سنٹرل وقف بورڈ کے ایک اہم اجلاس میں ایودھیا کے روناہی میں حکومت کی جانب سے مسجد کی تعمیر کے لیے دی گئی پانچ ایکڑ اراضی کو قبول کرلیا گیا ہے۔
اس بارے میں ای ٹی وی بھارت سے گفتگو کرتے ہوئے وزیر مملکت محسن رضا نے کہا کہ 'وہ بورڈ کے اس فیصلے پر سنی مرکزی وقف بورڈ کے تمام ممبران اور چیئرمین کو مبارکباد پیش کرتے ہیں اور اس فیصلے کا خیرمقدم کرتے ہیں۔
محسن رضا نے سنی وقف بورڈ کے فیصلے کا خیرمقدم کیا
وزیر مملکت محسن رضا نے کہا کہ اس فیصلے سے اتحاد اور بھائی چارے کو تقویت ملی ہے اور ملک میں ہم آہنگی بہتر ہوگی۔ اس کے ساتھ ہی یہ فیصلہ باہمی ہم آہنگی کے لیے سنگ میل ثابت ہوگا اور ایک طرف عظیم الشان مندر کا تیزی سے کام ہوگا، دوسری طرف ایک مسجد تعمیر ہوگی جس میں ملک کی گنگا جمنی تہذیب کا نظارہ دیکھنے کو ملےگا۔
