اترپردیش کے ضلع بدایوں کے متعدد شہروں میں آوارہ جانوروں کے سڑکوں پر گھومنے سے راہگیروں کو کافی زیادہ پریشانیوں کا سامنا کرنا پڑرہا ہے۔ جانوروں کے راستوں پر چلنے سے مختلف حادثات کا خطرہ بھی ہمیشہ بنا رہتا ہے۔
بدایوں: سڑکوں پر آوارہ جانوروں سے راہگیر پریشان
مقامی دکاندار راجیش کمار کا کہنا ہے کہ آوارہ جانوروں کے سڑکوں پر گھومنے سے مسلسل مختلف مقامات پر حادثات ہوتے رہتے ہیں اور ان حادثات کو روکنے کے لیے ان جانوروں کو صحیح جگہ پر رکھنا ضروری ہے۔
ان کا مزید کہنا تھا کہ جانوروں کی وجہ سے راستوں پر ٹریفک جیسی صورت پیدا ہوتی ہے اور گھنی آبادی والے علاقوں میں دکاندار، گاہک اور عوام کو مختلف قسم کی دشواریوں کا سامنا کرنا پڑتا ہے۔
غور طلب ہے کہ سیاسی پارٹیاں گائے کے نام پر صرف سیاست کرتی ہیں لیکن ان جانوروں کے لیے بہتر انتظامات کرنے میں ناکام رہی ہے۔
