لکھنؤ میں پولیس نے ٹریفک نظام کی خلاف ورزی کرنے والے 331 افراد کا پیر کو ای۔چالان کیا گیا۔ پولیس ترجمان نے بتایا کہ ٹریفک پولیس نے لکھنؤ کے شہر و مختلف چوراہوں اور تراہوں پر دو پہیہ گاڑی پر بغیر ہیلمٹ، تین سواری، بغیر نمبر گاڑی اور اوور اسپیڈ وغیرہ کے ضمن میں چیکنگ کی گئی۔
اس دوران ٹیموں نے دو پہیہ گاڑی پر ہیلمٹ نہ لگانے والے 144، تین سوار بٹھانے پر 18، مخالف سمت میں گاڑی چلانے والے 12اور نوپارکنگ کے پاداش میں 50 افراد کا چالان کیا گیا۔ چار پہیہ گاڑی پر سیٹ بیلٹ نہ لگانے والے 34 افراد کا چالان کیا گیا اس کے علاوہ دیگر معاملات میں 40 سے زیادہ افراد کا چالان کیا گیا۔
مزید پڑھیں: بریلی: زائرین پرلاٹھی چارج معاملہ، درگاہ انتظامیہ نے جیلیں بھرنے کا انتباہ دیا
ترجمان نے بتایا کہ اس دوران پولیس نے جرمانے کے طور پر دو لاکھ 95 ہزار روپے وصول کیے ہیں۔
یو این آئی
