کانگریس جنرل سکریٹری پرینکا گاندھی واڈرا نے ہفتہ کو وزیر اعظم نریندر مودی کو ایک خط لکھا ہے جس میں ان سے مرکزی وزیر اجے مشرا کے ساتھ اسٹیج شیئر نہ کرنے کی اپیل کی۔ وزیر اعظم ڈی جی پی کانفرنس کے لیے اس وقت لکھنؤ میں ہیں۔
واضح رہے کہ اجے مشرا کے بیٹے کو لکھیم پور کھیری میں تشدد کے سلسلے میں گرفتار کیا گیا ہے۔
اپنے خط میں، پرینکا گاندھی نے لکھا کہ ’’اگر آپ کے ارادے صاف ہیں تو مرکزی وزیر مملکت برائے داخلہ کے ساتھ ڈائس کا اشتراک نہ کریں۔ انہیں برخواست کر دیں۔‘‘
خیال رہے کہ 3 اکتوبر کو لکھیم پور کھیری کے ٹکونیا پولیس اسٹیشن حدود میں 8 افراد ہلاک ہو گئے تھے۔ پولیس نے اس سلسلے میں مرکزی وزیر اجے مشرا کے فرزند آشیش مشرا سمیت 13 ملزمین کو گرفتار کر لیا تھا۔ مشترا کو 9 اکتوبر کو گرفتار کیا گیا تھا اور وہ اس وقت جیل میں ہے۔ تمام 13 ملزمان عدالتی حراست میں ہیں۔
مزید پڑھیں:
دریں اثنا، وزیر اعظم نریندر مودی جمعہ کو مہوبہ اور جھانسی کا دورہ کرنے کے بعد لکھنؤ پہنچے جہاں انہوں نے مقامی طور پر تیار کیے گئے جنگی ہیلی کاپٹر (ایل سی ایچ)، ڈرون اور الیکٹرانک وارفیئر سوٹ ایک پروگرام کے دوران راشٹرا رکھشا سمرپن پرو (Rashtra Raksha Samarpan Parv ) کو سونپ دیے۔
