شفیق الرحمٰن برق نے کہا کہ آئندہ اترپردیش انتخابات میں سماج وادی پارٹی شاندار کامیابی حاصل کرتے ہوئے ریاست میں حکومت تشکیل دے گی کیونکہ پارٹی کسانوں کی مکمل حمایت کررہی ہے اسی لیے انتخابات میں کسانوں کی حمایت بھی حاصل ہوگی۔
انہوں نے کہا کہ متنازعہ زرعی قوانین کا اثر اترپردیش انتخابات میں بی جے پی کے 50 فیصد ووٹوں پر پڑے گا جب کہ سماج وادی پارٹی کو اس کا فائدہ ہوگا کیونکہ پارٹی کسانوں کے ساتھ کھڑی ہے۔
یہ بھی پڑھیں: 'ہمیں مایوس نہیں ہونا چاہیے، ملک کا آئین سب کے لیے برابر ہے'
ای ٹی وی بھارت سے خصوصی گفتگو کرتے ہوئے اترپردیش کے سنبھل سے رکن پارلیمنٹ شفیق الرحمٰن برق نے کہا کہ سماج وادی پارٹی کو تمام مذاہب و طبقات کی حمایت حاصل ہے۔ انہوں نے کہا کہ انتخابات میں جس پارٹی کو عوام کی تائید حاصل ہوتی ہے وہی جماعت کی شاندار جیت ہوتی ہے۔ ایک سوال کے جواب میں انہوں نے کہا کہ سماج وادی پارٹی کسی مخصوص مذہب پر توجہ مرکوز نہیں کرتی بلکہ ہمیں تمام مذاہب کے ماننے والوں کی حمایت حاصل ہے۔
